Tvö íslensk landslið mæta Slóvakíu í dag þegar U18 ára liðið og A-landsliðið reima á sig skóna ytra. A-landsliðið mætir Slóvökum í sínu heimalandi en U18 ára liðið mætir Slóvökum í Bosníu þar sem keppni í B-deild Evrópukeppninnar fer fram.
U18 strákarnir leika gegn Slóvakíu kl. 11.30 að íslenskum tíma í Bosníu en landslið Slóvakíu tekur á móti Íslandi í Slóvakíu í undankeppni EuroBasket 2013 og hefst leikurinn kl. 18.00 úti eða kl. 16.00 að íslenskum tíma.
Hjá 18 ára liðinu er um að ræða krossspil og sigurvegarinn spilar um 13.-14. sætið við sigurvegarann úr viðureign Svía og Rúmena. Tapliðin mætast um 15.-16. sætið, en allir leikir um sæti fara fram á sunnudag.
Hér er svo staðan í A-riðli karlalandsliðsins
| Team | P | W/L | F/A | Pts | |
|---|---|---|---|---|---|
| 1. | Estonia | 1 | 1/0 | 95/74 | 2 |
| 2. | Serbia | 1 | 1/0 | 91/78 | 2 |
| 3. | Montenegro | 1 | 1/0 | 75/69 | 2 |
| 4. | Israel | 1 | 0/1 | 69/75 | 1 |
| 5. | Iceland | 1 | 0/1 | 78/91 | 1 |
| 6. | Slovak Republic | 1 | 0/1 | 74/95 | 1 |
