Fyrir litlar 2000 krónur í kvöld verður í boði miði, borgari og gos á stórslag KR og Keflavíkur í Domino´s deild karla. Við þurfum ekkert að fjölyrða um að þetta sé góður díll og svo hitt, leikurinn sjálfur vafalítið hin besta skemmtun þar sem liðin eru jöfn að stigum í deildinni!
KR vann ótrúlegan sigur á Keflavík í fyrri umferðinni en Keflavík sló svo KR út úr bikarnum. Í bæði skiptin sem þessi lið hafa því mæst hefur verið um útisigra að ræða þetta tímabilið. Hvað verður í kvöld?
