Ef úrslitakeppnin hæfist núna…

Línurnar eru teknar að skýrast allverulega um þessar mundir, 14 umferðum er lokið í Domino´s deild karla og 19 umferðum í Domino´s deild kvenna. Grindavík og Keflavík yrðu deildarmeistarar ef úrslitakeppnin hæfist núna, Grindavík í karlaflokki og Keflavík í kvennaflokki.

 

Það kæmi þá í hlut Fjölniskvenna að falla í 1. deild og í Domino´s deild karla væru það ÍR, sigursælasta lið Íslands, og svo Tindastóll en ekki örvænta því enn er glás af stigum í boði í báðum deildum.

 

Í Domino´s deild karla eru 22 umferðir í deildarkeppninni, 14 er lokið svo enn eru heil 16 stig til skiptanna og í þessari gríðarlega jöfnu deild er ekki á vísan að róa. En ef við tölum um úrslitakeppnina og hún hæfist í dag myndi hún líta svona út:

 

 

KFÍ og Fjölnir myndu sitja eftir en Tindastóll og ÍR falla í 1. deild karla eins og áður greinir.

 

Í Domino´s deild kvenna eru 28 umferðir í deildarkeppninni, 19 er lokið og því enn 18 stig til skiptanna. Keflvíkingar eru í lykilstöðu og má ansi margt út af bera hjá þessu sterka liði til þess að þær verði ekki deildarmeistarar eftir að þær unnu þriðja deildarsigurinn á Snæfell um helgina. Ef úrslitakeppnin hæfist í dag liti hún svona út:

 

 

Haukar, Njarðvík og Grindavík myndu sitja eftir en Fjölnir falla í 1. deild kvenna.

 

Nr.	Lið	U/T	Stig
1.	Grindavík	11/3	22
2.	Þór Þ.	10/4	20
3.	Snæfell	10/4	20
4.	Stjarnan	9/5	18
5.	Keflavík	9/5	18
6.	KR	8/6	16
7.	Njarðvík	6/8	12
8.	Skallagrímur	6/8	12
9.	KFÍ	5/9	10
10.	Fjölnir	4/10	8
11.	Tindastóll	3/11	6
12.	ÍR	3/11	6