Helena Sverrisdóttir og Good Angels Kosice töpuðu í kvöld síðasta leiknum sínum í riðlakeppni meistaradeildarinnar. Það kom þó ekki að sök þar sem Good Angels höfðu þegar tryggt sér sigur í riðlinum. Good Angels lágu á útivelli gegn Municipal Targoviste 72-64.
Helena var ekki í byrjunarliði Good Angels í kvöld en spilaði í 13 mínútur og skoraði 6 stig. Stigahæst í liði Good Angels var Plenette Pierson með 17 stig og 10 fráköst.
Næst tekur við undankeppni þar sem Good Angels mæta Perfumerias Avenida og munu Helena og félagar hafa heimaleikjaréttinn. Vinna þarf tvo leiki til að komast í lokakeppnina sem fram fer í Ekateringburg í Rússlandi dagana 18.-24. mars.
Lokastaðan í riðli Good Angels
Team |
P | W/L | F/A | Pts | |
|---|---|---|---|---|---|
| 1. | GOOD ANGELS KOSICE | 12 | 9/3 | 919/840 | 21 |
| 2. | FENERBAHCE SPOR KULÜBÜ | 12 | 9/3 | 946/813 | 21 |
| 3. | NADEZHDA ORENBURG | 12 | 8/4 | 861/857 | 20 |
| 4. | FAMILA SCHIO | 12 | 7/5 | 839/823 | 19 |
| 5. | MUNICIPAL TARGOVISTE | 12 | 4/8 | 824/886 | 16 |
| 6. | UNIQA EUROLEASING SOPRON | 12 | 3/9 | 827/862 | 15 |
| 7. | ARRAS PAYS D’ARTOIS | 12 | 2/10 | 750/885 | 14 |
