Leikur Hattar gegn Hamri í 1. deild karla í gær var hvorki sérstaklega skemmtilegur né spennandi.
Hamarsmenn komu reyndar mjög ákveðnir til leiks og var staðan eftir 1. leikhluta 17-19. Í öðrum leikhluta skildi hins vegar alveg á milli og fór Höttur með 15 stiga forystu inn í hálfleikinn 45-30.
Það dró hvorki sundur né saman með liðunum að ráði í síðari hálfleik og niðurstaðan öruggur 97-81 sigur heimamanna.
Austin Bracey, íslenskur Bandaríkjamaður Hattar, bar af á vellinum í dag, skoraði 36 stig og hirti 7 fráköst. Skotnýting var til fyrirmyndar hjá honum en hann setti 6 af 10 þristum og 9 af 11 skotum innan línunnar.
Frisco Sandidge var einnig drjúgur hjá Hetti með 25 stig og 16 fráköst. Danero Thomas skoraði 22 stig og tók 11 fráköst fyrir Hamar.
