San Antonio einum sigri frá toppsætinu í vestrinu

 9 leikir fóru fram í NBA deildinni í nótt en þar ber helst að nefna stórleik Kevin Durant sem skoraði 48 stig í nótt en 23 af þeim stigum komu í fjórða leikhluta gegn MInnesota.  Durant bætti líka við 7 stoðsendingum í 115-11 sigri.  Brooklyn Nets tóku uppá því að sigra annan leikinn í röð sem hefur ekki gerst oft í vetur þegar þeir kláruðu Cleveland, 82-89.  Deron Williams fór fyrir sínum mönnum með 21 stig og 6 stoðsendingar.  San Antonio tók Clippers í bakaríið með 24 stiga sigri, 92-116, en San Antonio hafa tekið annað sætið í Vesturdeildinni af Portland sem töpuðu gegn Philadelphia í nótt.  Hér fyrir neðan má sjá það helsta úr leikjum kvöldsins og öll úrslitin.