Lebron í bullinu

Chicago tókst ekki að leggja New York borg að fótum sér í nótt þegar þeir lutu í lægra haldið fyrir Brooklyn Nets, 96-80. Bulls mættu Knicks í fyrri nótt og unnu öruggan sigur en eitthvað hefur ferðalagið yfir til Brooklyn farið illa í þá rauðu og sáu þeir aldrei til sólar.

 

Alls fóru sex leikir fram í NBA deildinni í nótt þar sem meistarar Miami fóru illa með Charlotte Bobcats, 124-107, og Milwaukee Bucks áttu ekki í miklum vandræðum með Utah Jazz, 114-88.

 

Lebron James var sjóðandi gegn Bobcats og fleygði niður 61 stigi sem er það mesta sem hann hefur skorað í deildinni. Ekki nóg með það þá setti hann met fyrir klúbbinn en fyrra metið átti Glen Rice þegar hann skoraði 56 stig gegn Magic árið 1995.