Úrslit næturinnar í NBA

Það voru ekki jafn mikil læti í Lebron James í nótt, líkt og í fyrri nótt, þegar meistararnir heimsóttu Houston Rockets. Rockets unnu með þremur stigum í hörku leik og sitja nú í 3. sæti Vesturdeildarinnar. Dwight Howard var öflugur með 22 stig og 16 fráköst og er þetta fertugasta tvennan sem kappinn nær á tímabilinu. Þetta er jafnframt í fyrsta skipti síðan 1997-98 sem að liðsmaður Rockets nær yfir 40 tvennum en þá náði Charles Barkley 42.

  

Alls voru 6 leikir á dagskrá ef eitthvað er að marka stigaskor úr leik New Orleans Pelicans og Los Angeles Lakers þá hefur verið unun að horfa á hann. Leikurinn endaði 132-125 í venjulegum leiktíma og ljóst að vörn hefur verið á undanhaldi í þeim leiknum.