Sex leikir voru á dagskránni í meistaradeild Evrópu í kvöld (Euroleague) og er fimm þeirra þegar lokið. Unicaja Malaga heldur sigurgöngunni áfram en í kvöld fengu Jón Arnór og félagar heimsókn frá Limoges CSP þar sem lokatölur voru 75-69 Unicaja í vil.
Jón Arnór lék rúmar fimm mínútur í leiknum og skoraði 4 stig og gaf eina stoðsendingu en stigahæstur hjá Unicaja var Fran Vazques með 13 stig. Unicaja leikur í B-riðli meistaradeildarinnar þar sem þeir og CSKA Moskva frá Rússlandi eru einu taplausu lið riðilsins.
Leiktíðin fer því af stað með látum hjá Unicaja sem einnig hafa unnið fjóra fyrstu leikina sína í ACB deildinni á Spáni.
