Rimman um Reykjanesbæ í Ljónagryfjunni

Einn af stórleikjum vetrarins fer fram í kvöld þegar innansveitarkrónika Njarðvíkur og Keflavíkur verður háð í Ljónagryfjunni. Leikurinn er sá síðasti í fimmt umferð Domino´s deildar karla en liðin eru jöfn í 8.-9. sæti deildarinnar með 4 stig. Viðureign liðanna á síðustu leiktíð í Ljónagryfjunni var allsvakaleg þar sem flautuþristur frá Gunnari Ólafssyni réði úrslitum og Keflvíkingar fögnuðu sigri.

 

 

Leikurinn verður í beinni útsendingu hjá Stöð 2 Sport og það þarf vart að tyggja það ofan í heimafólk að mæta snemma því uppselt var á leik liðanna í fyrra.