Hildur Björg Kjartansdóttir og stöllur hennar í UTPA Broncs spiluðu þrjá leiki á stuttu tímabili í vikunni; miðvikudag, föstudag og laugardag. Allir leikirnir voru á heimavelli Broncs í Edinburg, Texas.
Hildur virðist vera komin á fullt aftur í byrjunarliðsrútínuna því hún byrjaði alla þessa leiki. Broncs sigruðu alla leikina en úrslit þeirra voru á þessa leið:
Broncs – Texas A&M Kingsville 86-36
Broncs – Concordia University 72-31
Broncs – Eastern Michigan University 81-75
Hildur skoraði 3 stig og tók 2 fráköst í sigrinum á Kingsville, 4 stig og tók 8 fráköst í sigrinum á Concordia og gerði sér svo lítið fyrir og skoraði 16 stig og tók 9 fráköst (þar af 4 í sókn) gegn Eastern Michigan. Hildur skaut 3/4 fyrir utan þriggja stiga línuna í þeim leik.
Mynd: Hildur Björg í leik Broncs gegn Eastern Michigan (Dave Clower)
