Furman Paladins töpuðu naumlega fyrir UC Davis háskólanum í gærkvöldi 58-55.
Paladins voru alltaf skrefi á eftir Davis og voru mest 13 stigum undir í seinni hálfleik en náðu svo að saxa á forskotið þegar styttist til leiksloka. Þegar um 2 sekúndur voru eftir af leiknum brenndi Stephen Croone af þriggja stiga skoti sem hefði jafnað leikinn og sent hann í framlengingu.
Kristófer Acox spilaði vel með 8 stig og hitti úr öllum skotum sínum í leiknum. 2/2 utan af velli og 4/4 í vítum. Kristófer bætti einnig við 6 fráköstum og 1 stoðsendingu.
Næsti andstæðingur Furman er enginn annar en Duke háskólinn og verður sá leikur spilaður í Durham, NC á miðvikudagskvöldið. Þar fá Kristófer og félagar verðugt verkefni að fást við hann Jahil Okafor, risann í miðjunni hjá Blue Devils.
