Elvar Már Friðriksson var valinn nýliði vikunnar í North Eastern Conference riðlinum í NCAA háskólaboltanum. Elvar setti 13,5 stig, 6 stoðsendingar, 5 fráköst og stal 2 boltum að meðaltali í leik í vikunni. Þar að auki skaut hann 66,7% utan af velli og setti niður 50% af skotum sínum fyrir utan þriggja stiga línuna.
Elvar setti 19 stig og gaf 7 stoðsendingar í sigri LIU á Maine á fimmtudaginn var en það er besta frammistaða hans í ár.
Elvar er stigahæstur LIU með 10,4 stig í leik og er annar í NEC riðlinum í stoðsendingum með 4,8 í leik.
Mynd: LIU
