Strákarnir lágu allir í nótt

Háskólaboltinn fór ekki mjúkum höndum um okkar menn í nótt. Gunnar Ólafsson og félagar í St. Francis Brooklyn töpuðu sínum fyrsta leik í NEC riðlinum og þá mátti LIU skólinn, með þá Martin Hermannsson og Elvar Már Friðriksson innanborðs, sætta sig við tap gegn Wagner skólanum. Kristófer Acox og Furman lágu svo á heimavelli þegar VMI kom í heimsókn.

 

Gunnar Ólafsson lék í 18 mínútur en skoraði ekki en hann reif niður tvö fráköst. Þetta var fyrsta tap St. Francis Brooklyn í NEC riðlinum og eru nú fjögur lið á toppi riðilsins með 3 sigra og eitt tap en það eru Gunnar og félagar í St. Francis Brooklyn, Saint Francis University, Bryant og Robert Morris skólinn.

 

Martin Hermannsson gerði 14 stig, tók 2 fráköst og gaf 4 stoðsendingar fyrir LIU og Elvar Már Friðriksson bætti við 6 stigum, 5 stoðsendingum og 3 fráköstum. Næsti leikur LIU í NEC riðlinum er þann 15. janúar gegn Centeral Connecticut á útivelli.

Kristófer Acox hjó nærri tvennunni með 14 stig og 9 fráköst en það dugði ekki til og Furman skólinn varð að játa sig sigraðan á heimavelli. Kristófer var einnig með eina stoðsendingu í leiknum og eitt varið skot.

  

School	NEC	Pct.	Overall	Pct.	Streak	Home	Away	Neutral
1.	Saint Francis U	3-1	0.750	9-6	0.600	W1	5-0	4-6	0-0
	St. Francis Brooklyn	3-1	0.750	9-8	0.529	L1	4-2	5-5	0-1
	Bryant	3-1	0.750	6-7	0.462	W2	3-2	3-5	0-0
	Robert Morris	3-1	0.750	7-9	0.438	W2	3-3	3-6	1-0
5.	Fairleigh Dickinson	2-2	0.500	7-8	0.467	L2	3-2	4-6	0-0
	Mount St. Mary’s	2-2	0.500	6-9	0.400	W2	4-1	2-8	0-0
	Wagner	2-2	0.500	4-11	0.267	W1	4-3	0-8	0-0
8.	Sacred Heart	1-3	0.250	7-10	0.412	L2	5-5	1-5	1-0
	LIU Brooklyn	1-3	0.250	5-10	0.333	L1	3-5	2-4	0-1
10.	Central Connecticut	0-4	0.000	2-15	0.118	L8	1-5	1-7	0-3