Leikir dagsins: Toppslagur á Egilsstöðum

Í kvöld fara fram tveir leikir í 1. deild karla en þar á meðal er toppslagur hjá Hetti og FSu sem fram fer á Egilsstöðum kl. 18:30. Hinn leikurinn er viðureign Vals og KFÍ sem hefst kl. 19:30 í Vodafonehöllinni að Hlíðarenda.

 

 

FSu á einn leik til góða á Hött og sigur hjá Selfyssingum í kvöld getur minnkað muninn á Hött niður í tvö stig en Hattarsigur kemur þeim í sex stiga forystu á toppi deildarinnar. Valur á svo í hörku baráttu um sæti í úrslitakeppninni með 10 stig í 5. sæti en Ísfirðingar eru í 7. sæti með 6 stig.