Fyrstu leikjunum í úrslitakeppninni í 1. deild karla lauk rétt í þessu með tveimur heimasigrum. Í Dalhúsum vann Fjölnir sterkan sigur á Hamri þar sem liðið leiddi mest með 25 stigum í þriðja leikhluta.
Valur tók á móti Breiðablik þar sem heimamenn leiddu nánast allan leikinn en Blikar sóttu heldur betur að þeim á endasprettinum.
Sigra þarf þrjá leiki til að komast áfram í úrslitaeinvígið en næstu leikir fara fram næstkomandi föstudagskvöld þar sem útilið kvöldins verða að heimaliðum.
