Leikmaður Davidson liðs háskólaboltans í Bandaríkjunun, Grindvíkingurinn Jón Axel Guðmundsson, æsir heldur betur í stuðningsmönnum sinna manna fyrir leik liðsins gegn Stjörnunni seinna í dag. Tímabil hans með liðinu vestan hafs að sjálfsögðu búið fyrir nokkru og hann bæði löglegur með Grindavík, sem og á landinu þessa stundina.
Fyrst kom þetta pítsumerki frá honum í gær:
_x1f355_
— Jón Axel (@Jaxelinn) April 7, 2017
En það er það sama og Kristófer Acox sendi frá sér nokkrum dögum áður en hann kom aftur úr háskólaboltanum inní lið KR í miðri úrslitakeppninni:
_x1f355_
— kristofer acox (@krisacox) March 25, 2017
Svo sendi Jón frá sér þessi skilaboð, sem ekki má á túlka á annan hátt en hann sé kominn aftur heim í Grindavík:
Home Sweet Home !
— Jón Axel (@Jaxelinn) April 8, 2017
Þjálfari Stjörnunnar, Hrafn Kristjánsson, ákvað svo líka að taka þátt í gleðinni með því að senda frá sér merkið, en þó hann sé vissulega í formi, þá er hann ekki löglegur með sínum mönnum þar sem að sem leikmaður er hann ennþá skráður í KFÍ (sem nú er Vestri):
_x1f355_
— Hrafn Kristjánsson (@ravenk72) April 8, 2017
Ólíklegt þykir þó að Jón Axel sé nokkuð að fara að leika með sínum mönnum. Samkvæmt heimildum er hann að sjálfsögðu ennþá í skóla ytra sem og getur það sett áhugamannastöðu hans í NCAA deildinni í uppnám að hann spili með liði í Dominos deildinni, þar sem hún er að einhverju leyti atvinnumannadeild.
Samkvæmt formanni körfuknattleiksdeildar Grindavíkur, Lórenz Óla Ólasyni, er Jón vissulega á landinu, en honum þykir ólíklegt að Jón sé nokkuð að fara að spila fyrir Grindavík. Gaman væri þó að sjá þennan kappa taka fram skóna aftur á Íslandi og ljóst er að hann yrði sínum mönnum mikill liðstyrkur, var með 16 stig, 8 fráköst og 5 stoðsendingar að meðaltali í leik fyrir þá á síðasta tímabili.
