Mánaðarlega mun Karfan birta kraftröðun í vetur. Þar er ekki aðeins tekin til staða liðanna í deildinni, heldur einnig breytingar á leikmannahópum og það gengi, eða sú sveifla sem liðið er í á hverri stundu.
Riðið var á vaðið með Dominos deild karla, en hér fyrir neðan er september útgáfan fyrir Dominos deild kvenna. Það sem horft er til í þessari fyrstu útgáfu er breyting á leikmannahópum liðanna, en ekki er tekið sérstakt tillit til æfingaleikja sem liðin hafa spilað í þetta skiptið, nema að litlu leyti.
Örvarnar munu á næsta lista merkja færslu liða á milli mánaða, en þar sem þetta er fyrsti sinnar tegundar, þá eru þær miðaðar við endanlega stöðu liðs í deildinni á síðasta tímabili.
#1: Keflavík
Íslands-og bikarmeistarar Keflavíkur eru með nákvæmlega sama lið og á síðasta tímabili fyrir utan að nýr erlendur leikmaður er komin til liðsins. Leikmenn liðsins ári eldri og reynslunni ríkari. Mun meiri pressa á liðinu í ár og verður spennandi að sjá hvernig þær bregðast við því.
Komnar:
Brittany Dinkins frá USA
Farnar:
Ariana Moorer
#2: Haukar
Ungt og efnilegt lið Hauka sýndi á köflum frábæra takta á síðasta tímabili. Að þær fái Helenu Sverrisdóttur aftur inn fyrir þetta tímabil er þó hin raunverulega ástæða þess að þær eru svona ofarlega þessa stundina. Bæði sýndi Helena það í síðustu leikjum síðasta tímabils hvers megnug hún er, sem og eru fréttir af henni í fanta formi á þessu undirbúningstímabili. Frábært bæði fyrir þetta unga Haukalið, sem og deildina í heild að fá hana aftur inn.
Komnar
Valdís Ósk Óladóttir frá Tindastól
Fanney Ragnarsdóttir frá Fjölni
Cherise Michelle Daniel
Farnar
Sólrún Inga Gísladóttir til USA
#3: Skallagrímur
Borgnesingar áttu virkilega gott nýliða ár á síðasta tímabili. Ákváðu þrátt fyrir það að skipta um þjálfara og réðu fyrrum landsliðsþjálfara Norður-Kóreu Richi Gonzalez. Carmen Tyson-Thomas er einnig mætt en hún var stigahæst í deildinni í fyrra en samt látin fara frá Njarðvík áður en tímabilið kláraðist. Liðinu skorti breidd á síðasta tímabili en hefur misst fleiri leikmenn en það fékk, mega ekki við neinum meiðslum því þá er úrslitakeppnin í hættu.
Komnar
Bríet Lilja Sigurðardóttir frá Tindastól
Carmen Tyson-Thomas frá Njarðvík
Heiðrún Harpa Ríkharðsdóttir frá Fjölni
Farnar
Ragnheiður Benónísdóttir til Vals
Sigurbjörg Rós Sigurðardóttir til ÍR
Hanna Þráinsdóttir til ÍR
Tavelyn Tillman óvíst
Sólrún Sæmundsdóttir óvíst
Kristrún Sigurjónsdóttir í Val
#4: Snæfell
Það er erfitt að sjá fyrir sér Snæfells liðið mikið ofar en í fjórð sætinu miðað við þá leikmenn sem þær missa fyrir þetta tímabilið. Eru hinsvegar með frábæran þjálfara í Inga Þór, mögulegan leiðtoga í Berglindi Gunnarsdóttur og góðan erlendan leikmann í Kristen McCarthy. Spurning er hvernig þetta á eftir að virka.
Komnar
Kristen McCarthy frá Rúmeníu
Farnar
Gunnhildur Gunnarsdóttir í barneignarleyfi
Bryndís Guðmundsdóttir hætt
Pálína María Gunnlaugsdóttir óvíst
Alda Leif Jónsdóttir hætt
Helga Hjördís Björgvinsdóttir í barneignarleyfi
Hrafnhildur Magnúsdóttir til Danmerkur
Aaryn Ellenberg óvíst
#5: Valur
Valur virtist ekki spila að fullri getu á síðasta tímabili og voru nokkuð frá úrslitakeppninni. Liðið hefur klárlega styrkt sig í sumar og eru með góða breidd af sterkum leikmönnum. Valur verður mun nær úrslitakeppninni í ár og gætu klifið ofar ef liðið finnur sjálfstraustið og taktinn snemma.
Komnar
Ragnheiður Benónísdóttir frá Skallagrím
Ásta Júlía Grímsdóttir frá KR
Lexi Petersen frá Grikklandi
Kristín María Matthíasdóttir frá Fjölni
Guðrún Gróa Þorsteinsdóttir frá KR
Kristrún Sigurjónsdóttir úr Skallagrím
Farnar
Mia Lloyd til
Hrafnhildur Magnúsdóttir til ÍR
#6: Stjarnan
Öll lið sem voru á svipuðum stað og Stjarnan á síðasta tímabili hafa styrkt sig en Stjarnan hefur misst leikmenn. Ungir leikmenn sem skiluðu góðu framlagi hafa hætt og þá verður liðið án Hafrúnar sem var í stóru hlutverki á síðasta tímabili. Mikil gæði enn í liðinu og pressa á öðrum leikmönnum að stíga ennþá meira upp.
Komnar
Farnar
Sigrún Karlsdóttir til Ármanns
Jónína Þórdís Karlsdóttir hætt
Viktoría Líf Steinþórsdóttir hætt
Hafrún Hálfdánardóttir í barneignarleyfi
Margrét Kara Sturludóttir í fríi
#7: Njarðvík
Njarðvík losaði sig við besta leikmann deildarinnar rétt fyrir lok síðasta tímabils þegar að þær sögðu upp samningi Carmen Tyson-Thomas. Sem nýliðar í deildinni í fyrra voru þær á einhverjum tímapunkti inni í úrslitakeppnisumræðunni, þá var það aðallega vegna þess hversu marga leiki Carmen hafði unnið fyrir þær. Nú erum við ekki að leggja neitt mat á hvort þær hefðu átt að halda í hana eða ekki, hinsvegar eigum við alveg eftir að sjá hvernig þær ætla að vinna leiki án hennar.
Komnar
Hrund Skúladóttir frá Grindavík
Erika Williams frá USA
Farnar
Carmen Tyson Thomas til Skallagríms
#8: Breiðablik
Nýliðarnir sömdu við stærsta bitann á markaðnum í sumar er Hildur Björk kom til Blika. Hún ákvað síðar að fara í atvinnumennskuna til Spánar. Breiðablik mætir því með sama lið til leiks og vann 1. deild kvenna á síðasta tímabili. Góð blanda af ungum, efnilegum leikmönnum og reynslu. Ekki víst hvort það sé nóg til að halda sæti sínu í deildinni.
Komnar
Hildur Björk Kjartansdóttir frá USA
Lovísa Falsdóttir frá Grindavík
Farnar
Hildur Björk Kjartansdóttir til Spánar
Hlín Sveinsdóttir til ÍR
Elín Kara Karlsdóttir til ÍR
Jóhanna Herdís Sævarsdóttir til ÍR
Snædís Birna Árnadóttir til ÍR
Rannveig Bára Bjarnadóttir til ÍR
