Keppni í Domino´s-deild karla hefst á nýjan leik í kvöld eftir landsleikjahlé. Þrír leikir eru á boðstólunum og er það suðvesturhorn landsins sem á gólfið í kvöld. Í Reykjanesbæ mætast grannaliðin Keflavík og Njarðvík í TM-Höllinni og þar verður án nokkurs vafa selt sig dýrt. Allir þrír leikir kvöldsins hefjast kl. 19:15.
Leikir kvöldsins í Domino´s-deild karla, 19:15:
Keflavík – Njarðvík
Haukar – Stjarnan
Grindavík – ÍR
Í Keflavík verður vafalítið mikið um dýrðir enda Reykjanesbær að keyra sig upp í hið árlega Nettómót og þetta stærsta barnakörfuboltamót landsins fær engan smá opnunarleik með úrvalsdeildarslag Keflavíkur og Njarðvíkur. Keflvíkingar hafa haft granna sína í vasanum síðustu tímabil og unnu fyrri leikinn þetta tímabilið 81-85 í Ljónagryfjunni. Njarðvík er um þessar mundir í 5. sæti deildarinnar með 22 stig en Keflavík í 8. sæti með 18 stig og liðin koma með ólíkum hætti inn í leik kvöldsins. Njarðvíkingar að koma af versta ósigri á heimavelli síðan úrslitakeppnin var sett á laggirnar árið 1984 og Keflvíkingar af öflugum útisigri gegn KR í síðustu umferð. Þessir „kontrastar“ ættu að kynda undir einhverju konfekti í kvöld.
Í Hafnarfirði er topplið Hauka með sex sigurleiki í röð í Schenkerhöllinni svo Stjörnunnar bíður ærinn starfi. Kári Jónsson er meiddur á fingri og þykir ekki líklegur í Haukabúning í kvöld Stjörnumenn að sama skapi hafa unnið tvo útileiki í röð með 20 stig í 7. sæti deildarinnar en Haukar á toppnum með 30 stig eins og kunnugt er. Þetta er ekki síður einskonar innansveitarkrónika eins og í Reykjanesbæ enda ekki nema spölkorn á milli Ásgarðs og Ásvalla.
Grindvíkingar taka svo á móti ÍR en átta stigum munar á liðunum í deildinni. ÍR í bullandi baráttu um deildarmeistaratitilinn með 28 stig í 2. sæti deildarinnar en Grindavík í 6. sæti með 20 stig. ÍR hefur unnið síðustu þrjá útileiki í röð en til að gera tilkall í deildarmeistaratitilinn eiga þeir svakalegt prógramm eftir gegn Grindavík í kvöld, gegn Haukum á heimavelli og í lokaumferðinni mætir ÍR Keflavík á útivelli.
Á morgun klárast svo þessi 20. umferð deildarinnar með eftirfarandi leikjum:
Þór Þorlákshöfn – Höttur
Þór Akureyri – Valur
Tindastóll – KR
Staðan í Domino´s-deild karla
| Nr. | Lið | L | U | T | S | Stig/Fen | +/- | Stg í L/Fen m | Heima s/t | Úti s/t | Stig heima s/f | Stig úti s/f | Síðustu 5 | Síð 10 | Form liðs | Heima í röð | Úti í röð | JL |
|---|---|---|---|---|---|---|---|---|---|---|---|---|---|---|---|---|---|---|
| 1. | Haukar | 19 | 15 | 4 | 30 | 1735/1505 | 230 | 91.3/79.2 | 8/1 | 7/3 | 93.2/78.7 | 89.6/79.7 | 5/0 | 9/1 | +5 | +6 | +3 | 2/1 |
| 2. | ÍR | 19 | 14 | 5 | 28 | 1574/1503 | 71 | 82.8/79.1 | 7/3 | 7/2 | 82.6/79.4 | 83.1/78.8 | 3/2 | 7/3 | +2 | +1 | +3 | 5/1 |
| 3. | Tindastóll | 19 | 14 | 5 | 28 | 1635/1498 | 137 | 86.1/78.8 | 7/2 | 7/3 | 92.0/76.0 | 80.7/81.4 | 4/1 | 7/3 | +3 | +3 | +2 | 3/1 |
| 4. | KR | 19 | 13 | 6 | 26 | 1611/1457 | 154 | 84.8/76.7 | 8/2 | 5/4 | 85.1/73.3 | 84.4/80.4 | 3/2 | 7/3 | -2 | -1 | -1 | 1/2 |
| 5. | Njarðvík | 19 | 11 | 8 | 22 | 1634/1612 | 22 | 86.0/84.8 | 6/4 | 5/4 | 85.8/84.4 | 86.2/85.3 | 3/2 | 6/4 | -1 | -1 | +2 | 3/5 |
| 6. | Grindavík | 19 | 10 | 9 | 20 | 1675/1642 | 33 | 88.2/86.4 | 6/3 | 4/6 | 89.2/84.0 | 87.2/88.6 | 2/3 | 6/4 | +1 | -1 | +1 | 3/2 |
| 7. | Stjarnan | 19 | 10 | 9 | 20 | 1616/1570 | 46 | 85.1/82.6 | 5/5 | 5/4 | 83.7/83.5 | 86.6/81.7 | 3/2 | 6/4 | -1 | -1 | +2 | 2/1 |
| 8. | Keflavík | 19 | 9 | 10 | 18 | 1651/1643 | 8 | 86.9/86.5 | 3/6 | 6/4 | 91.4/90.2 | 82.8/83.1 | 2/3 | 3/7 | +1 | -6 | +1 | 5/4 |
| 9. | Þór Þ. | 19 | 7 | 12 | 14 | 1545/1622 | -77 | 81.3/85.4 | 4/5 | 3/7 | 82.4/79.9 | 80.3/90.3 | 2/3 | 4/6 | -2 | -2 | -1 | 1/4 |
| 10. | Valur | 19 | 6 | 13 | 12 | 1596/1705 | -109 | 84.0/89.7 | 4/6 | 2/7 | 86.7/89.7 | 81.0/89.8 | 1/4 | 2/8 | +1 | +1 | -5 | 0/4 |
| 11. | Þór Ak. | 19 | 3 | 16 | 6 | 1459/1681 | -222 | 76.8/88.5 | 2/7 | 1/9 | 78.7/86.7 | 75.1/90.1 | 0/5 | 1/9 | -6 | -7 | -3 | 1/2 |
| 12. | Höttur | 19 | 2 | 17 | 4 | 1446/1739 | -293 | 76.1/91.5 | 1/9 | 1/8 | 74.4/88.9 | 78.0/94.4 | 2/3 | 2/8 | -1 | -2 | +1 | 1/0 |
Ljósmynd/ Bára Dröfn
