Fjölbreytt dagskrá er í 1. deild karla í kvöld þar sem fjórir leikir hefjast samtímis klukkan 19:15.
Taplaust lið ÍA, sem vermir toppsætið ásamt Haukum með fullt hús stiga eftir fimm leiki, heimsækir Breiðablik í Smárann í einum athyglisverðasta leik kvöldsins. Blikar sitja í fimmta sætinu með sex stig og geta með sigri blandað sér enn frekar í baráttuna um efstu sætin.
Í Hveragerði fer fram grannaslagur þar sem Hamar tekur á móti Selfossi en liðin eru jöfn að stigum um miðja deild með fjögur stig hvort. Í Grafarvogi mætast Fjölnir og KV, þar sem heimamenn freista þess að lyfta sér frá botnsvæðinu, og í Þorlákshöfn mætir Þór Þ. liði Skallagríms sem vermir botnsætið án stiga.
Leikir dagsins
Breiðablik – ÍA kl. 19:15
Fjölnir – KV kl. 19:15
Hamar – Selfoss kl. 19:15
Þór Þ. – Skallagrímur kl. 19:15
