Ásta Júlía Grímsdóttir og Eva Wium Elíasdóttir hafa verið kallaðar inn í íslenska landsliðshópinn fyrir leikinn gegn Portúgal í kvöld, en Ásta snýr aftur eftir að hafa misst af viðureigninni í Serbíu vegna meiðsla. Þær koma inn í tólf manna hópinn fyrir Kolbrúnu Maríu Ármannsdóttur og Þórönnu Kiku Hodge-Carr sem geta ekki tekið þátt í verkefninu vegna meiðsla sem þær urðu fyrir. Pekka Salminen landsliðsþjálfari og teymi hans þurftu því að hrófla talsvert í hópnum fyrir þennan mikilvæga slag.
Leikurinn hefst klukkan 19:30 í Ólafssal og er búist við mikilli stemningu enda er frítt inn á völlinn í boði Lengjunnar á meðan húsrúm leyfir. Hópurinn sem mætir Portúgal í kvöld er þannig skipaður:
Anna Ingunn Svansdóttir – Keflavík
Ásta Júlía Grímsdóttir – Valur
Danielle Rodriguez – Njarðvík
Eva Wium Elíasdóttir – Stjarnan
Isabella Ósk Sigurðardóttir – Grindavík
Kristrún Ríkey Ólafsdóttir – KR
Rebekka Rut Steingrímsdóttir – KR
Sara Rún Hinriksdóttir – Keflavík
Sigrún Björk Ólafsdóttir – Haukar
Tinna Guðrún Alexandersdóttir – Haukar
Thelma Dís Ágústsdóttir – Keflavík
Þóra Kristín Jónsdóttir – Haukar
