Undir 20 ára lið kvenna leikur þessa dagana í A deild Evrópumótsins í Matosinhos í Portúgal.
Liðið lauk riðlakeppni mótsins í kvöld með 14 stiga ósigri gegn Lettlandi, 87-73. Íslenska liðið byrjaði leikinn ágætlega og var lengst af skrefinu á undan í fyrri hálfleiknum. Í þeim seinni virtust þær ætla halda leiknum jöfnum og spennandi í upphafi, en þegar líða fór á þriðja fjórðung náði Lettland að snúa taflinu sér í vil og halda forskoti sínu í kringum 10 stig út leikinn. Líkt og áður á mótinu átti íslenska liðið í basli með lettneska liðið í kringum körfuna og voru þær gjarnar á að senda þær á línuna, Ísland með 19 víti tekin í leiknum á móti 42 hjá Lettlandi í leiknum.
Stigahæst fyrir Ísland í leiknum var Rebekka Rut Steingrímsdóttir með 14 stig. Henni næst var Kolbrún María Ármannsdóttir með 13 stig og Anna María Magnúsdóttir bætti við 11 stigum.
Tapið var það þriðja í röð hjá liðinu í riðlakeppni mótsins og höfnuðu þær í 4. sæti riðils síns. Næst eru 16 liða úrslit hjá liðinu, en í þeim mun liðið mæta Hollandi komandi miðvikudag 6. ágúst.
Upptaka af leiknum
