12 manna lokhópur Íslands fyrir EuroBasket

August 27, 2017

Rétt í þessu var tilkynnt hvaða 12 leikmenn það væru sem færu fyrir Íslands hönd á lokamót EuroBasket í lok mánaðarins. Ísland er í A riðli, en hann er leikinn í Helsinki í Finnlandi. Hópurinn að öllu leyti sá sami og fór í síðustu æfingaferðina til Ungverjalands og Litháen.

Af þeim 15 leikmönnum sem eftir voru í æfingahóp liðsins kemur það í hlut Ólafs Ólafssonar, Sigtryggs Arnars Björnssonar og Axels Kárasonar að sitja heima á meðan að mótið fer fram.

Karfan.is ræddi við Axel í gær, þar sem hann meðal annars ræddi hvernig það væri að missa af þessu, en hann var bæði með liðinu á síðasta lokamóti, sem og lék hann undankeppni þessa móts. Spjallið má hlusta á í heild hér, en Axel ræðir hóp liðsins eftir klukkutíma og tíu sekúndur.

Margir þeirra leikmanna sem að fóru á síðasta lokamót fara einnig á þetta. Þeir Hlynur Bæringsson, Martin Hermannsson, Jón Arnór Stefánsson, Hörður Axel Vilhjálmsson, Logi Gunnarsson, Pavel Ermolinskij, Haukur Helgi Pálsson og Ægir Þór Steinarsson munu nú allir leika á sínu öðru móti í röð fyrir Íslands hönd.

Þeir leikmenn sem munu leika á sínu fyrsta lokamóti eru þó nokkrir, en Kristófer Acox, Elvar Már Friðriksson, Tryggvi Snær Hlinason og Brynjar Þór Björnsson eru allir að fara í fyrsta skiptið.

12 manna lokhópur Íslands fyrir EuroBasket:

#1: Martin Hermannsson – Châlon-Reims (FRA) · 53 leikir