Ísland mætir Georgíu kl. 16:00 að íslenskum tíma á morgun í lokaleik sínum í undankeppni HM 2023. Til þess að komast uppfyrir Georgíu í riðlinum og tryggja sig á lokamótið þarf Ísland að vinna leikinn og gera það með fleiri stigum heldur en Georgía vann þá heima í Laugardalshöllinni í nóvember síðastliðnum, 85-88.
Samkvæmt vefmiðli FIBA hefur Georgía staðfest hvaða 12 leikmenn það verða sem leika fyrir hönd þeirra gegn Íslandi, en engin breyting er á hópnum sem þeir stilltu upp í 8 stiga sigri liðsins gegn Hollandi á fimmtudaginn.
Fyrir utan liðið af hóp þeirra eru þeir Ilia Londaritze Kavkasia í Georgíu og George Korsantia sem leikur fyrir Gostivar í Makedóníu. Flestir eru leikmenn þeirra á mála hjá liðum í Georgíu eða 6 af 12. Þó eru þeirra lykilmenn leikmenn liða á Ítalíu og á Spáni, þar sem Thaddus McFadden leikur fyrir Murcia og Giorgi Shermadini fyrir Tenerife í ACB deildinni á Spáni og Tornike Shengelia fyrir Virtus Bologna á Ítalíu.
Hér fyrir neðan má sjá hvaða 12 leikmenn Georgíu mæta íslenska liðinu í leik dagsins:
