11:52
{mosimage}
(Það verður barist á Ásvöllum í dag)
Nú er hápunkturinn í Iceland Express-deild kvenna að fara hefjast þegar deildarmeistarar Hauka taka á móti Subwaybikarmeisturum KR í fyrsta leik úrslitanna á Ásvöllum. Leikurinn hefst kl. 16:00 og ef eitthvað er að miða við fyrri leiki þessa liða í vetur má búast við hörkuleik. Þessi lið hafa mæst fimm sinnum í vetur og hafa Haukar unnið fjóra þeirra og KR-ingar einn og var sigur þeirra í Subwaybikarnum.
Leikir Hauka og KR í vetur:
IE-deildin 18. febrúar 2009 KR-Haukar 72-83
IE-deildin 29. janúar 2009 Haukar-KR 65-57
Subwaybikarinn 11. janúar 2009 Haukar-KR 65-93
IE-deildin 17. desember 2008 Haukar-KR 89-62
IE-deildin 1. nóvember 2008 KR-Haukar 53-72
Allir lykilleikmenn liðanna eru heilir heilsu miðað við síðustu heimildir Karfan.is og því ljóst að bæði munu tjalda öllu til í dag.
Er þetta í þriðja sinn á fjórum árum sem Haukar fara í úrslit en KR-ingar voru einnig í úrslitum í fyrra. Frá því úrslitakeppnin var tekin upp í efstu deild kvenna tímabiið 1992-93 hafa KR-ingar spilað tíu sinnum til úrslita og er þetta því 11. skiptið. Þrátt fyrir gott gengi undanfarin ár voru Haukar á löngum köflum ekki meðal þeirra bestu í meistaraflokki og er þetta því þriðja skiptið sem liðið spilar til úrslita.
Íslandsmeistaratitlar eftir úrslitakeppni:
KR 1999, 2001, 2002
Haukar 2006, 2007
Hægt er að lesa margt fróðlegt um sögu úrslita og úrslitakeppni kvenna á vef KKÍ.
mynd: [email protected]
