Í dag fer fram úrslitaleikur Spánverja og Frakka á Evrópumeistaramótinu í Litháen. Áður en að sjálfum úrslitaleiknum kemur mætast Rússar og Makedónar í leik um bronsið. Spánverjar lögðu Makedóna í undanúrslitum en Frakkar höfðu betur gegn Rússum og urðu þannig fyrsta liðið á mótinu til að vinna Rússa.
Bronsleikur Makedóna og Rússa hefst kl. 14.30 í dag en kl. 18.00 er komið að sjálfum úrslitaleiknum.
Sex lið hafa unnið Evrópumeistaratitilinn í fyrstu tilraun eins og Frakkar vonast til að gera í dag en átta lið hafa tapað sínum fyrsta úrslitaleik. Þá hefur engin þjóð oftar tekið þátt en Frakkland í Evrópumótinu en liðið hefur aldrei unnið titilinn sjálfan.
Mynd/ Mikið mun mæða á þeim Pau Gasol og Joakim Noah í dag.
