Uppgjör toppliðanna í kvöld

Fimmta umferð Iceland Express deildar karla hefst í kvöld með fjórum leikjum. Toppliðin Njarðvík og Grindavík mætast í Njarðvík en þau eru einu taplausu liðin í deildinni, Haukar taka á móti KR á Ásvöllum , Bárður Eyþórsson og ÍR-ingar fá gömlu lærisveina Bárðs í Snæfelli í heimsókn í Seljaskóla og þá mætast Þór og Keflavík í Þorlákshöfn. Á morgun mætast síðan Fjölnir og Skallagrímur í Grafarvogi og Hamar/Selfoss fær Tindastól í heimsókn í Hveragerði. Allir leikirnir hefjast klukkan 19.15.