Tryggvi Snær Hlinason og Casademont Zaragoza lögðu Real Betis í kvöld í ACB deildinni á Spáni, 89-82.
Eftir leikinn er Zaragoza í 14. sæti deildarinnar með fimm sigra og þrettán töp það sem af er tímabili.
Á sléttum 30 mínútum spiluðum í leiknum skilaði Tryggvi Snær 14 stigum, 10 fráköstum, 3 stoðsendingum og 4 vörðum skotum.
Næsti leikur Tryggva og Zaragoza í deildinni er þann 5. febrúar gegn Baskonia.
