Víkurfréttir greina frá því nú í morgun að danski leikmaðurinn Ida Tryggedsson sé farin frá Grindavík. Tryggedsson kom til Grindavíkur á dögunum og lofaði góðu eftir að hafa sallað niður 31 stigi gegn Njarðvíkingum í æfingaleik.
Samkvæmt frétt Víkurfrétta fór Tryggedsson af persónulegum ástæðum og er ekki búist við að hún leiki meira með liðinu í vetur. Grindvíkingar verða því án erlends leikmanns annað kvöld þegar liðið mætir nýliðum Fjölnis í fyrstu umferð Íslandsmótsins í Iceland Express deild kvenna.
