Tindastóll innbyrti sinn annan sigur á Gastec æfingamótinu í Varðarhöllinni á Egilsstöðum þegar liðið hafði betur gegn Sindra, 93–79, í öðrum leik mótsins í dag.
Skagfirðingar höfðu tögl og hagldir á leiknum og sýndu mikla breidd í sóknarleiknum. Davis Geks leiddi lið Tindastóls með 15 stig, Arnar skoraði 14, og þeir Dee Bost og Júlíus bættu við 11 stigum hvor, á meðan Ade Murkey skilaði 10 stigum.
Í liði Sindra fór Higgins á kostum og var stigahæstur á vellinum með 25 stig, Craig skoraði 14 stig, Martins bætti við 13 og Branislav skilaði 11 stigum fyrir Hornafjarðarliðið.
