Þórir Guðmundur Þorbjarnarson og Oviedo máttu þola fjögurra stiga tap gegn TAU Castello í kvöld í Leb Oro deildinni á Spáni, 71-75.
Eftir leikinn eru Oviedo í 14. sæti deildarinnar með fjóra sigra og tólf töp það sem af er tímabili.
Á rúmum 34 mínútum spiluðum skilaði Þórir Guðmundur 20 stigum, 3 fráköstum og 5 stoðsendingum.
Næsti leikur Þóris og Oviedo er þann 21. janúar gegn Cantabria.