Næsta lokamót EuroBasket mun fara fram nú í haust í fjórum löndum, Kýpur, Finnlandi, Lettlandi og Póllandi.
Ísland náði að tryggja sig inn á lokamótið sem rúllar af stað í lok ágúst og mun leika í riðlakeppni með Belgíu, Ísrael, Slóveníu, Frakklandi og Póllandi í Katowice í Póllandi.
FIBA tilkynnti á dögunum hvar næsta lokamót mun fara fram, en það verður árið 2029 og munu riðlar þeirrar keppni fara fram í Slóveníu, Spáni, Grikklandi og Eistlandi. Úrslit keppninnar það árið munu svo fara fram í höfuðborg Spánar, Madríd.
