Boston Celtics lögðu Miami Heat með 11 stigum, 117-106, í þriðja leik liðanna í úrslitum Austurstrandar NBA deildarinnar. Heat höfðu unnið tvo fyrstu leiki einvígis liðanna og er staðan því 2-1, en fyrsta liðið til þess að vinna 4 leiki fer í úrslit deildarinnar þar sem að annað hvort Denver Nuggets eða Los Angeles Lakers bíða.
Leikur næturinnar var algjör einstefna, þar sem Celtics leiddu frá fyrstu mínútu allt til enda. Mest fór forysta þeirra í 20 stig í þriðja og svo aftur fjórða leikhlutanum, en þökk sé góðum endaspretti Heat gáfu þeir sjálfum sér veika von um að ná að vinna muninn niður á síðustu mínútum leiksins. Þar sem að forysta Celtics var aðeins skorin niður í aðeins 6 stig á lokakaflanum. Allt kom þó fyrir ekki, 11 stiga sigur Celtics niðurstaðan
Atkvæðamestur fyrir Celtics í leiknum var Jayson Tatum með 25 stig, 14 fráköst og 8 stoðsendingar. Fyrir Heat var það Bam Adebayo sem dróg vagninn með 27 stigum og 16 fráköstum.
Næsti leikur liðanna er kl. 12:30 eftir miðnætti komandi miðvikudag (aðfaranótt fimmtudags)
Það helsta úr leik Celtics og Heat:
