14:08
{mosimage}
26. landsmót UMFÍ fer fram á Akureyri um næstu helgi, hefst raunar á fimmtudag. Körfuboltakeppni mótsins hefst þó ekki fyrr en á föstudag með riðlakeppni en leikið verður í Höllinni á Akureyri, Síðuskóla og á Þelamörk.
11 lið eru skráð til leiks í karlakeppninni og 6 í kvenna. Karlarnir hefja leik klukkan 8 á föstudegi og leika til klukkan 19 en konurnar leika í Síðuskóla frá 8 til 19. Á laugardeginum fara fram 4 leikir í karlakeppninni og verða þeir leiknir í Höllinni frá 15 til 19 og á sunnudeginum fara fram úrslitaleikir í Höllinni frá 9 til 11.
Hægt er að sjá leikjaplan mótsins á heimasíðu UMFÍ.
Á Landsmóti í Kópavogi fyrir 2 árum bar lið Fjölnis sigur úr býtum í karlakeppninni eftir sigur á Keflavík og í úrslitaleik kvenna sigraði ÍBH Keflavík.
