Sumarbúðir BIBA verða haldnar tíunda árið í röð í Skógarseli frá 22. til 26. júní fyrir 9 til 16 ára drengi og stúlkur.
Körfuboltaakademía BIBA (BIBA Basketball Academy) minnir iðkendur og forráðamenn á að frestur til að skrá sig í sumarnámskeið ársins 2026 rennur senn út.
Lokafrestur til skráningar er þann 15. maí næstkomandi, en eftir þann tíma verður lokað fyrir almennar umsóknir svo hægt sé að hefja undirbúning á búningapöntunum, tækjakaupum og annarri skipulagningu fyrir sumarið. Forsvarsmenn búðanna hvetja áhugasama til að tryggja sér pláss sem fyrst til að missa ekki af tækifærinu til að bæta tækni sína og styrk undir leiðsögn reyndra þjálfara.
Sumarbúðirnar eru hannaðar fyrir leikmenn sem vilja leggja harðar að sér og lyfta leik sínum á næsta stig í hvetjandi umhverfi. Auk þess að leggja áherslu á markvissar körfuboltaæfingar er horft til þess að skapa ógleymanlegar minningar og efla liðsheildina meðal þátttakenda. Þótt opinberum frestis ljúki um miðjan maí, verður tekið á móti fyrirspurnum vegna mögulegra lausra plássa í gegnum einkaskilaboð eftir þann tíma, en fólk er þó hvatt til að vera tímanlega til að tryggja sér þátttöku.
Hægt er að nálgast allar nánari upplýsingar og ganga frá skráningu á Facebook-síðu samtakanna, BIBA Iceland, eða með því að senda tölvupóst á netfangið [email protected].
Einnig er hægt að fá svör við spurningum í síma 863 7068. Nú er tækifærið til að sýna metnað í verki og undirbúa sig fyrir komandi tímabil með kraftmiklum hætti hjá BIBA.
