Þá er Skotklukkan komin að leikmanni Hauka Agnesi Jónudóttur. Þrátt fyrir að vera aðeins 18 ára gömul hefur Agnes leikið fyrir nokkur félög á yngri flokka feril sínum, en ásamt Haukum hefur hún verið á mála hjá Njarðvík, Keflavík, Grindavík og Stjörnunni. Þá var hún farin að leika fyrir meistaraflokk aðeins 15 ára gömul og er hún í mikilvægu hlutverki hjá Haukum í Subway deildinni á þessu tímabili. Þá hefur hún einnig verið burðarrás yngri landsliða Íslands á síðustu árum.
- Nafn? Agnes Jónudóttir
- Aldur? 18 ára
- Hjúskaparstaða? Lausu
- Uppeldisfélag? Njarðvík
- Uppáhalds atvik á ferlinum? Að komast í top 8 á EM núna í sumar var geggjað en svo allir bikarmeistaratitlarnir eru líka ofarlega.
- Vandræðalegasta atvik á ferlinum? Airballaði úr víti.
- Efnilegasti leikmaður landsins? Hulda María í Njarðvík.
- Besti leikmaður sem þú hefur spilað með? Keira Robinson
- Ertu með einhverskonar hjátrú þegar það kemur að leikjum? Bara vera alltaf í hvítum hjólabuxum í úti leikjum og svörtum heima.
- Uppáhalds tónlistarmaður? Kanye, Drake og Rihanna eru gott tríó.
- Uppáhalds drykkur? Kristall
- Besti þjálfari sem þú hefur haft? Margir góðir þjálfarar með mismunandi áheyrslur en hefði viljað spila lengur fyrir Möggu Stull.
- Ef þú mættir fá leikmann í deildinni í þitt lið, hver væri það? Sara Líf í Val.
- Í hvað skóm spilar þú? Kobe AD og GT Cut.
- Uppáhalds staður á Íslandi? Á engan uppáhalds stað.
- Með hvað liði heldur þú í NBA? Horfi voða lítið á NBA.
- Hver er besti körfuboltaleikmaður allra tíma? Lebron James
- Hver var fyrirmyndin þin í æsku? Helena Sverris
- Sturluð staðreynd um þig? Gæti lifað á nammi.
- Hvað er það skemmtilegasta sem þú gerir á æfingum? Spila 5v5 og auka stig fyrir sóknafrákast.
- Hvað er það leiðinlegasta sem þú gerir á æfingum? Fara yfir andstæðingin þó það skipti miklu máli.
- Hvaða þrjá leikmenn í deildinni tækir þú með þér á eyðieyju? Sara Líf í Val, Heiður Karls í Fjölni, Bergdís Anna í Fjölni.
- Fylgist þú með öðrum íþróttum en körfubolta? Já, fylgist aðeins með fótbolta.
- Hvaða lið myndir þú aldrei spila fyrir? Ekkert sérstakt lið sem ég myndi aldrei spila fyrir.
