10:14
{mosimage}
(Davíð Fritzson leikmaður ÍR í úrslitaleik Reykjavíkurmótsins á dögunum)
Í gærkvöldi varð ljóst hvaða lið leika í 8 liða úrslitum í Poweradebikarkeppninni í karlaflokki þegar Njarðvík og Þór Akureyri tryggðu sig áfram í keppninni. 8 liða úrslitin hefjast í kvöld með tveimur leikjum sem báðir hefjast kl. 19:15.
ÍR fær annað tækifæri til að rétta hlut sinn gegn KR en liðin mættust á dögunum í úrslitaleik Reykjavíkurmótsins þar sem KR fór með stórsigur af hólmi og hampaði Reykjavíkurmeistaratitlinum. Viðureign ÍR og KR fer fram í Seljaskóla og hefst leikurinn eins og fyrr greinir kl. 19:15.
Þá mætast Snæfell og Tindastóll í Stykkishólmi, einnig kl. 19:15, en Stólarnir burstuðu Skallagrím á dögunum og tryggðu sig inn í 8 liða úrslitin. Snæfell er í kvöld að leika sinn fyrsta leik í keppninni.
Leikirnir í átta liða úrslitum Poweradebikarsins
Þri. 30.sep.2008 19.15 Seljaskóli ÍR – KR
Þri. 30.sep.2008 19.15 Stykkishólmur Snæfell – Tindastóll
Mið. 1.okt.2008 19.15 Grindavík Grindavík – UMFN
Mið. 1.okt.2008 19.15 Keflavík Keflavík – Þór Ak.
