Eins og greint var frá á vefmiðlinum Vísi er mikil óvissa um hvenær fyrirliði Íslandsmeistara Grindavíkur, Ólafur Ólafsson, snýr aftur á völlinn vegna ristarbrots sem hann varð fyrir í úrslitaeinvíginu gegn Tindastóli í vor.
Ólafur segir að um álagsbrot hafi verið að ræða þar sem beinið fór í tvennt, sem geri bataferlið mun hægara en við hefðbundið brot. Hann ætli ekki að flýta sér of snemma af stað heldur leyfa meininu að gróa að fullu áður en hann mætir aftur til leiks, þótt hann haldi áfram styrktaræfingum og skotum.
Grindvíkingar hefja leik 3. október næstkomandi í Meistarakeppni KKÍ gegn bikarmeisturum KR, auk þess sem liðin mætast sex dögum síðar í upphafi Bónus deildarinnar. Ólafur útilokar ekki alveg að vera með strax í upphafi móts en viðurkennir að það sé ólíklegt – og jafnvel geti farið svo að hann missi af stórum hluta tímabilsins eða spili lítið sem ekkert fram að jólum.
