Keflavík lagði nýliða Grindavíkur í kvöld í fjórðu umferð Dominos deildar kvenna, 105-85.
Eftir leikinn er Keflavík í 2.-3. sæti deildarinnar með 6 stig líkt og Njaðvík á meðan að Grindavík er í 5.-7. sætinu ásamt Breiðablik og Fjölni með 2 stig eftir fyrstu fjórar umferðirnar.
Karfan spjallaði við Ólöfu Rún Óladóttur leikmann Keflavíkur eftir leik í Blue Höllinni. Ólöf kom til Keflavíkur fyrir síðasta tímabil eftir að hafa leikið upp alla yngri flokka og með meistaraflokki Grindavíkur, en hún var einkar erfið sínum gömlu félögum í kvöld, skilaði 16 stigum og 4 stolnum boltum á rúmlega 16 mínútum spiluðum í leiknum.
