Aabyhøj IF vann nauman sigur í dönsku úrvalsdeildinni í dag þegar liðið vann SISU 91-88. Ólafur J. Sigurðsson gerði 12 stig í liði Aabyhøj IF og var með 4 stoðsendingar og 3 fráköst. Guðni Heiðar Valentínusson komst ekki á blað en lék í rúmar tvær mínútur í leiknum. Aabyhøj IF hefur nú unnið tvo leiki og tapað tveimur og er í 6. sæti deildarinnar.
Sigurður Þór Einarsson gerði tvö stig fyrir Horsens IC sem lát 78-69 á útivelli gegn Horsholm 79ers. Sigurður lék í rúmar þrjár mínútur í leiknum og var auk þess með eina stoðsendingu. Horsens er á botni deildarinnar og hefur tapað fjórum fyrstu leikjum sínum á tímabilinu.
Axel Kárason verður svo í eldlínunni á morgun þegar Værlöse tekur á móti Bakken Bears en Axel og félagar eru í 8. sæti deildarinnar með einn sigur og tvo tapleiki.
Mynd/ Ólafur gerði 12 stig fyrir Aabyhøj IF í dag.
