Snæfell – Haukar; Bæði þessi lið eru virkilega skemmtileg. Liðsheild og breidd Snæfells er þeirra styrkur og þá hafa þær Ásthildi Helgadóttur íslensks kvennakörfuboltans í Hildi Sigurðar. Haukar hafa aftur á móti á að skipa Lebron James kvennaboltans í hinni ótrúlegu Lele Hardy, sem er sannarlega hverrar krónu virði. Ég held þó að þetta verði nokkuð öruggur sigur hjá Snæfellsstúlkum, 85-65. Ég hef fylgst talsvert með kvennaboltanum í vetur og ég sé hreinlega ekkert lið eiga roð í þær fyrr en Keflavíkurstúlkur taka þær í úrslitakeppni Domino´s deildarinnar…
Grindavík – ÍR; Ég mun gefa vini mínum Sveinbirni Claessen góðráð fyrir þennan leik sem undir eðlilegum kringumstæðum ætti að duga til sigurs. Fari hann eftir þeim er aldrei að vita nema ÍR-ingar taki bikar og bling með sér heim. Ég hef þó lúmskan grun að Sigurður Þorsteinsson verði þeim bláklæddu erfiður og taki því eina titilinn sinn á þessu tímabili strax í febrúar. Grindavík vinnur 97-93 eftir framlengdan leik. Þetta verður miklu betri leikur en fólk heldur enda spila bæði lið skemmtilegan og kraftmikinn körfubolta.
Tengt efni:
