Íslandsmeistarar Njarðvík fengu í kvöld granna sína hinumegin við lækinn í heimsókn í kvöld. Bæði lið komu til leiks án sigurs í 1. umferð deildarinnar og sú staðreynd bætti ögn meiri kryddi á hörku leiksins fyrirfram.
Njarðvík mættu til leiks særðar þar sem að Dani Rodriquez slasaði sig á fingri í leiknum gegn Val og líkast til verður hún frá til áramóta. Leikurinn hófst líkt og leikurinn milli liðana í meistara meistarana hér fyrir um 2 vikum, mjög hraður og mikið skorað. Keflavík voru ca. hænuskrefi á undan Njarðvík á upphafs mínútum leiksins. Illa gekk hjá Njarðvík að hemja Hannah Little sem hafði skorað 12 stig strax í fyrsta fjórðung. Meistararnir í Njarðvík voru hinsvegar á heimavelli og með baráttu og frábærum kafla hjá Helenu Rafnsdóttir náðu þær að jafna leikinn og höfðu liðin skorað 25 stig hvor eftir fyrstu 10 mín leiksins.

Leikurinn hélst nokkuð jafn megnið af öðrum leikhluta eða þangað til í loks hlutans þegar Njarðvík náði að koma sér í 8 stiga forystu. Síðustu 6 stig fyrri hálfleiks skoruðu hinsvegar gestirnir og náðu að minnka forskotið í 2 stig í stöðunni 47:45.
Sama baráttan og jafnræði einkenndi upphaf seinni hálfleiks og rétt eins og í kjarasamnings viðræðum ætlaði hvorugur aðili að gefa þumlung eftir. Eftir þrjá leikhluta voru það aðeins 2 víti frá Hannah Little sem skildu liðin eftir að fyrsta “flæðis villan” var dæmd í IceMar höllinni. Það stefndi í að þessi leikur yrði ákveðin í smá letrinu í þeim samningi sem áður var nefndur. Úr varð að Brittany Dinkins í raun tók leik Njarðvikur á sínar herðar undir lokin og 4 stig frá henni vógu þungt.
Keflavík gerðu vel á endasprettinum þegar um 10 sekúndur voru eftir þá náðu þær að leysa sinn lang besta skotmann, Thelmu Dís Ágústsdóttir í opin þrist til að jafna leikinn. En þá brást krosstré sem önnur og ekki vildi boltinn niður eftir að hafa tekið dans á hringnum. Íslandsmeistarar Njarðvík lönduðu þar með sínum fyrsta sigri í vetur gegn erkifjendum sínum í hörku leik. Keflavík en án sigurs eftir tvær umferðir.
Það má svo sem deila um hvað mátti betur fara hjá báðum liðum. Keflavík hefðu mögulega getað spilað meira inn á Hannah Little sem virtist óstöðvandi í upphafi leiks og áttu Njarðvík í mesta basli með hana. Bæði hávaxinn og hröð í fyrsta skrefinu. Í fjarveru Dani þarf Brittany að taka á sig stærra hlutverk og hún skilaði því vissulega í kvöld þegar hún setti 36 stig á töfluna.
Nú er frábært tækifæri fyrir leikmenn í Njarðvík að stíga upp og sýna hvað í þeim býr á meðan Dani nær sér að meiðslum sínum. Í kvöld tók Helena Rafnsdóttir því hlutiverki fegins hendi og spilaði vel. Hjá Keflavík var Hannah Little var stigahæst með 27 stig.tig eftir að hafa reynst vörn heimakvenna gríðarlega erfið viðureignar.




