09:13
{mosimage}
(Tyronn Lue, hetja Hawks)
Tyronn Lue, leikmaður Atlanta Hawks, skoraði af sjö metra færi í þann mund sem lokaflautan gall í leik liðsins við New Jersey Nets í bandarísku NBA körfuboltadeildinni í gærkvöldi. Atlanta vann leikinn 101:99 eftir framlengingu. Þetta var þriðji útisigur Atlanta í röð og er það í fyrsta skipti frá árinu 2000 sem liðinu tekst slíkt.
Vince Carter hafði áður skorað úr þriggja stiga skoti, þegar 2,9 sekúndur voru eftir af framlengingunni og jafnað leikinn, 99:99.
Önnur úrslit urðu þau að Toronto Raptors vann LA Clippers, 122:110, og Detroit Pistons vann Cleveland Cavaliers, 90:78.
Frétt af www.mbl.is
