Skallagrímur tók á móti Sindra í 1. deild karla í kvöld þar sem óhætt er að segja að spennan hafi verið allsráðandi. Þegar 3,6 sekúndur voru eftir setur Tómas Orri Hjálmarsson leikmaður Sindra tvö víti til að koma liðinu einu stigi yfir 93-94.
Skallagrímur fær boltann eftir leikhlé og boltinn endar í höndum Milorad Sedlarevic sem fer sterkt að körfunni. Hann nær að setja niður hreinlega ævintýralega körfu til að tryggja sigur Skallagríms sem færist nú nær þriðja sæti deildarinnar.
Myndband af sigurkörfu Milorads má finna hér að neðan:
