Miðasala er hafin á fyrsta leik Íslands í undankeppni EuroBasket 2025, en þann 22. febrúar mun liðið taka á móti Ungverjalandi í Laugardalshöll.
Sæti á Evrópulista FIBA
Ítalía 8. sæti
Tyrkland 15. sæti
Ungverjaland 21. sæti
Ísland 24. sæti
Ísland er í fjögurra liða riðil í undankeppninni, þar sem að efstu þrjú liðin fara áfram á lokamótið. Ásamt Íslandi og Ungverjalandi eru í riðlinum sterkar þjóðir Ítalíu og Tyrklands. Hvernig sem leikir gegn þeim þjóðum fara er ljóst að Ísland þarf líklega að ná í góð úrslit gegn Ungverjalandi ætli þeir sér að komast áfram, en leikið er heima og heiman gegn öllum liðunum.
Leikir undankeppni EuroBasket 2025
Ungverjaland (heima) – 22.02.24
Tyrkland (úti) – 25.02.24
Ítalía (heima) – 22.11.24
Ítalía (úti) – 25.11.24
Ungverjaland (úti) – 20.02.25
Tyrkland (heima) – 23.02.25
Líkt og tekið var fram er miðasala hafin á þennan fyrsta gífurlega mikilvæga leik Íslands og fer miðasala fram í gegnum smáforritið Stubb.
