Mest og best eftir sjö umferðir

 

Þá er sjö umferðum lokið í Iceland Express deild karla og því 15 stykki til skiptanna á venjulegri leiktíð. Að loknum sjö umferðum eru það meistarar Snæfells og Grindavík sem tróna á toppi deildarinnar bæði lið með 12 stig. Eini tapleikur Snæfells til þessa er gegn Njarðvíkingum í Ljónagryfjunni og eini tapleikur Grindvíkinga er gegn Snæfell í Stykkishólmi en þar léku þeir án kana þar sem Dre Smith hélt heim skömmu fyrir leik af persónulegum ástæðum. Nýr maður er nú kominn í hans stað sem þegar hefur leikið sinn fyrsta leik og heitir Jeremy Kelly. 

 

Hólmarar eru á besta rólinu í deildinni um þessar mundir og búnir að vinna fjóra leiki í röð en á hinum endanum eru það Njarðvík og KFÍ sem tapað hafa síðustu fjórum deildarleikjum í röð. Keflvíkingar eru vaknaðir eftir erfiða byrjun og hafa unnið þrjá leiki í röð en Tindastólsmenn hafa tekið við sér með nýjum leikmönnum og unnið síðustu tvo deildarleiki og Hayward Fain fer sem eldur í sinu um íslensku deildina og má sjá hann bjóða upp ansi magnaða troðslu hér í leik gegn Hamri.

 

Semaj Inge – 40 stig gegn Grindavík 24. október

Lazar Trifunovic – 36 stig gegn Fjölni 11. nóvember

Pavel Ermolinskij – 35 stig gegn Njarðvík 12. nóvember

 

Hörður Axel Vilhjálmsson – 15 stoðsendingar gegn Haukum 14. nóvember

Ægir Þór Steinarsson – 13 stoðsendingar gegn Keflavík 11. nóvember

Ægir Þór Steinarsson – 12 stoðsendingar gegn Haukum 28. október

 

Gerald Robinson – 22 fráköst gegn Tindastól 11. október

Gerald Robinson – 21 frákast gegn ÍR 11. nóvember

Ryan Pettinella – 21 frákast gegn KFÍ 10. október

 

Pavel Ermolinskij – 49 framlagsstig gegn KFÍ 15. nóvember

Craig Schoen – 48 framlagsstig gegn ÍR 18. október

Semaj Inge – 43 framlagsstig gegn Grindavík 24. október

 

Craig Schoen – 9 stolnir gegn ÍR 18. október

Andre Dabney – 7 stolnir gegn Haukum 8. október

Helgi Rafn Viggósson – 7 stolnir gegn Haukum 11. október

 

Ragnar Natahanaelsson – 4 varin gegn KFÍ 18. nóvember

Ómar Örn Sævarsson – 4 varin gegn Haukum 24. október

Guðjón Lárusson – 4 varin gegn Tindastól 12. nóvember

 

Hörður Axel Vilhjálmsson – 11 gegn Hamri 24. október

Justin Shouse – 10 gegn KR 7. október

Gerald Robinson – 9 gegn Grindavík 24. október

 

Búið að setja markið ansi hátt í hinum ýmsu tölfræðiþáttum en það er nóg eftir af leiktíðinni og eiga þessar tölur og nöfn væntanlega eftir að taka einhverjum breytingum þegar á líður en allt þetta og svo miklu miklu meira má finna í Live Stat Basket Hotel kerfinu á heimasíðu Körfuknattleikssambands Íslands.

 

Stjarnan-ÍR

KR-Tindastóll

Haukar-Snæfell

 

Hamar-Grindavík

Fjölnir-KFÍ

Keflavík-Njarðvík

Ljósmynd/ Tomasz Kolodzijeksi – Nonni Mæju og meistarar Snæfells eru í góðum gír þessi misserin.