Hörður Axel Vilhjálmsson og liðsfélagar í Mitteldeutcher BC komust aftur á sigurbraut um síðustu helgi í þýsku Pro A deildinni þegar MBC tók á móti BG Topstar. Lokatölur leiksins voru 97-75 MBC í vil.
Hörður var í byrjunarliði MBC og skoraði 8 stig í leiknum á tæpum 22 mínútum. Þá var hann einnig með 3 fráköst og 4 stoðsendingar. Eftir síðustu helgi er MBC í efsta sæti deildarinnar ásamt Cuxhaven BasCats.
