Haukur Helgi Pálsson og félagar í bandaríska háskólanum Maryland höfnuðu í 4. sæti á 2K Classic mótinu sem lauk nú um helgina en á föstudag lék Maryland gegn Illinois skólanum um 3. sætið á mótinu en Illinois var fyrir leiktíðina sett í 13. sæti yfir stekrustu skóla landsins í bandarísku háskólakörfuboltadeildinni (NCAA).
Haukur kom lítið við sögu í leiknum gegn Illinois, hann fékk að spreyta sig í þrjár mínútur en náði hvergi að komast á blað. Stigahæstur hjá Maryland í leiknum var Terrell Stoglin með 17 stig. Hjá Illinois var Demetri McCamey með 20 stig.
Næsti leikur Maryland er 23. nóvember þegar liðið mætir Delaware State á heimavelli.
