Lokaumferð frönsku A-deildarinnar fór fram í kvöld þar sem Íslendingarnir Haukur Helgi Pálsson og Martin Hermannsson fóru fyrir sínum liðum. Ljóst er að hvorugur þeirra leikur í úrslitakeppninni sem hefst á næstu dögum.
Cholet vann sinn síðasta leik 81-80 gegn Le Mans. Haukur Helgi Pálsson endaði með 19 stig í leiknum og var næst stigahæstur liðsins. Cholet endaði í 15 sæti deildarinnar en liðið bjargaði sér frá falli í síðustu umferð.
Chalon/Reims endaði tímabilið einnig á sigri 102-94 gegn Pau Lacq-Orthez. Martin Hermannsson endaði með 9 stig og 10 stoðsendingar. Allar líkur eru á að þetta hafi verið síðasti leikur Martins fyrir Chalon/Reims en hann sagði í viðtali við BeBasket um helgina að hann stefndi á sterkari deild, auk þess sem hann hefur verið orðaður við önnur lið uppá síðkastið.
Martin kvaddi Chalon/Reims með einu alíslensku víkingaklappi fyrir áhagendur liðsins. Myndaband af því má sjá hér að neðan:
Le clapping de @hermannsson15 pour son très probable au revoir au @CCRBASKET #Reims #Châlons #JeepElite @LNBofficiel @kkikarfa pic.twitter.com/8ihTQzv9A1
— CCRB_actu (@CCRBactu) May 15, 2018
