Þrír leikir fara fram í 1. deild karla í kvöld. Toppliðin þrjú, KFÍ, Skallagrímur og Breiðablik etja kappi við Hamar, ÍA og Þór Ak. Allir leikirnir byrja klukkan 19:15.
KFÍ fara á skagann og mæta þar ÍA sem er í 5. sæti deildarinnar með 12 stig eftir 10 umferðir. KFÍ er sem fyrr á toppi deildarinnar með 22 stig eftir 12 leiki, en þeir hafa aðeins tapað einum leik.
Skallagrímur heimsækir Hamar í Hveragerðir þar sem Hamarsmenn geta jafnað Skallagrím að stigum með sigri. Skallagrímur er í öðru sæti í deildinni með 14 stig eftir 11 leiki en Hamar hefur spilað 10 leiki og er með 12 stig í 4. sæti.
Breiðablik fær Þór Ak. í heimsókn en Blikar hafa verið á mikilli siglingu og eru sem stendur í þriðja sæti deildarinnar með 14 stig eins og Skallagrímur. Þór Ak. hefur þó ekki gengið jafn vel og eru í næst neðsta sæti með 6 stig eftir 11 leiki, tveimur stigum á undan Ármanni sem reka lestina.
